NHOS DEIXA NHOS OPINIÃO!
Kuzé ki mudjeris hoje em dia teni na kabesa ?
Undi bai valores, rispétu y dignidadi ki nu debe ten pa nos mésmo ?
Nhos ajudam intende:
Mode bu ta txoma un mudjer ki ta envolve ku un ômi casádu,
sabi ki ômi ten mudjer y ki nunca tem intençon di sta ku ela ?
Y más grave, mode bu ta txoma un mudjer ki já ten un fidju sem pai presente,
ta envolve ku un ômi casádu na menos di dos meses di relason,
tá fika prenha di propósito, ta minte ki ta tomá anticonsepsional,
na speransa ki ômi ta larga mudjer pa fika ku ela ?
Na ki mundu mudjeris hoje em dia sta vive?
Agora, kel mudjer li sózinha ta kria un fidju ki nasé di un eskolha egoísta, di un iluzon,
tá recusa ajuda finanséru ki pai kre ofrese,
pamodi frustason Pmd ômi ka larga mudjer pa fika ku ela.
Y piôr, ta sta tá da pá vítima na un situason ki ela mesmu é cria.
Mudjeris, un fidju meresi nasé ku amor, ku verdade, ku un base firme na um lar saudável —
ka frutu di un armadilha, ka pamodi karénsia.
Mudjeris, nu ten ki ten amor-própriu!
Ka nhos konfundi desejo sexual ku amor.
Ka nhos fazi fidju pa impulso.
Fidju ka ta sigura ômi, y mentira nunca ta konsigi konstrui família.
Nhos toma juíz pa nhos dado valor!
