Um bes tinha um Rei (na um reino distante) ki ta governava si povo cu sabedoria e poder.
Tudo arguém ta amaba el pa si sabedoria
Tudo arguém ta respeitaba el pa si poder.
Na meio di si reino tinha um poço di Água limpo e fresco undi ki tudo arguém ta panhaba água, incluindo rei cu si ministron pamódi ka tinha otu poço. Um noti, cantu tudo arguém sa ta durmi tranquilamente, entra um bruxa na cidade ki bai ti poço e lança sete gotas de um líquido stranhu. Enquanto e poi e fla: “De ochi pa dianti kenha ki bebe es água ta bira DÔDU”.
Kelotu dia cedo pal manham tudo arguém (menos rei cu si ministro) bebe água di poço… TUDO ARGUÉM BIRA DÔDU!!! (Sima bruxa flaba).
Duranti kel dia, na tudo rua, tudu mercadu, tudu praça povo fica ta fla ma rei cu ministro ma es perdi juiz, ma dja es bira DÔDU. Sai revoluçón e guentis sai na rua ta djata. Kel hóra rei cu ministro reune di emergência pa discuti problema más antis rei pidi um copo di água. Kanto e trazedu e bebi e passa ministro. Depos que es bebe kel águ tudo arguém bira ta grita: VIVA NOS REI; VIVA NOS MINISTRO. Ntón resto di kel dia foi di festa e alegria pamódi rei cu ministro torna toma juiz na kabesa.
(in “O Louco” Khalil Gibran 1883-1931)
